ទាញយកពុម្ពអក្សរលីមួន (Limon Font)


ក្នុង

ពុម្ពអក្សរ Limon គឺជាពុម្ពអក្សរខ្មែរ ដែលត្រូវបានប្រើសរសេរលើកំព្យូទ័រជាទូទៅ មុនពេលពុម្ពអក្សរខ្មែរយូនីកូដត្រូវបានដំណើរការ។ ពុម្ពអក្សរ Limon ត្រូវបានបង្កើតឡើងក្នុងឆ្នាំ ១៩៩៤ ដោយ Sath Sokha Mony & Chhit Worn Narith (Limon Group)។ ម្ដងម្កាលខ្ញុំឃើញឯកសារមួយចំនួនប្រើប្រាស់ពុម្ពអក្សរ Limon ខ្ញុំត្រូវដំឡើងពុម្ពអក្សរប្រភេទនេះដើម្បីធ្វើឱ្យពុម្ពត្រឹមត្រូវ និងអាចអានបាន។ ប្រសិនបើអ្នកជួបបញ្ហាដូច្នេះ អ្នកអាចទាញយកឯកសារពុម្ពអក្សរ Limon ខាងក្រោម ហើយដំឡើងនៅលើកុំព្យូទ័រតែម្តងជាការសម្រេច។

ទាញយក Limon Fonts.zip

ហេតុអ្វីបានជាពុម្ពអក្សរ Limon ត្រូវបានបង្កើតឡើង?

កាលពីមុន ពុម្ពអក្សរខ្មែរលើកុំព្យទ័រមិនគាំទ្រ ឬស្គាល់ពុម្ពអក្សរខ្មែរឡើយ។ សូម្បីបច្ចុប្បន្ននេះក្តី នៅក្នុងកម្មវិធីថ្មីៗ ជាច្រើន ដូចជាកម្មវិធីទូរស័ព្ទដូចជាការកែសម្រួលវីដេអូ និងកម្មវិធីរចនា និងប្រហែលជាជាច្រើនទៀត ពេលដំណើរឱ្យប្រើប្រាស់ដំបូងៗ ច្រើនតែមិនស្គាល់អក្សរខ្មែរ។ នៅក្នុង Microsoft នៅលើ Windows និងប្រព័ន្ធ IOS មិនគាំទ្រខ្មែរយូនីកូដទេកាលពីប៉ុន្មានឆ្នាំមុន។ នេះ​ជា​មូលហេតុ​ដែល​យើង​បាន​ប្រើ​ពុម្ព​អក្សរ Limo របស់​ខ្មែរ​ពីមុន។ សូមអរគុណដ៏អ្នកបង្កើតពុម្ពអក្សរ​ខ្មែរលីមួន(Limon)។

តើយើងត្រូវការពុម្ពអក្សរ Limon ឥឡូវនេះទេ?

ចម្លើយខ្លី គឺនៅតែត្រូវការ! កម្មវិធីកុំព្យូទ័រ និងទូរស័ព្ទឆ្លាតថ្មីៗ មួយចំនួននៅពេលដែលពួកគេបានប្រើប្រាស់ដំបូង និងណែនាំដល់អ្នកប្រើប្រាស់របស់ពួកគេ ភាគច្រើនពួកគេមិនគាំទ្រពុម្ពអក្សរយូនីកូដខ្មែរទេ។ ជាឧទាហរណ៍ Kinemaster, Capcut និងជាច្រើនទៀតដែលដាក់ឱ្យប្រើប្រាស់(first realsed) របស់ពួកគេមិនគាំទ្រយូនីកូដខ្មែរទេ។ ម្តងម្កាលនៅពេលដែលពួកគេយល់ថាកម្មវិធីរបស់ពួកគេកំពុងត្រូវបានប្រើប្រាស់ដោយជនជាតិខ្មែរ ហើយទទួលបានការណែនាំ និងស្នើសុំច្រើនពីអ្នកប្រើប្រាស់ ទើបពួកគេចាប់ផ្តើមកែសម្រួល និងអភិវឌ្ឍយូនីកូដខ្មែរ ដើម្បីឆ្លើយតបតម្រូវការអតិថិជន។

ការបំប្លែងពុម្ពអក្សរ Limon

អ្នកអាចបំប្លែងអត្ថបទយូនីកូដ(Unicode) របស់អ្នកទៅជាពុម្ពអក្សរឡេហ្កាស៊ី(Legacy) (ពុម្ពអក្សរ limon) នៅទីនេះ។


  • មុខងារបញ្ជូលកាលបរិច្ឆេទចន្ទគតិស្វ័យប្រវត្តិក្នុង Microsoft Word

    មុខងារបញ្ជូលកាលបរិច្ឆេទចន្ទគតិស្វ័យប្រវត្តិក្នុង Microsoft Word

    ការសរសេរកាលបរិច្ឆេទ ឬថ្ងៃខែឆ្នាំជាភាសាខ្មែរយើង (កាលបរិច្ឆេទចន្ទគតិ) មានភាពលម្អិតច្រើន។ ដោយសារតែបច្ចុប្បន្នយើងប្រើប្រាស់កាលបរិច្ឆេទសុរិយគតិច្រើន រាល់ពេលប្រើប្រាស់ចន្ទគតិធ្វើឱ្យត្រូវបើកប្រតិទិនមើលដើម្បីចម្លងថ្ងៃខែឆ្នាំចន្ទគតិ។ ការធ្វើបែបនេះមានភាពស្ទុកស្មាញ់ និងចំណាយពេលច្រើន ហើយពិសេស យើងអាចបង្កើតកំហុសច្រើនផងដែរ។ ការតំម្លើងមុខងារ Khmer Date ក្នុងកម្មវិធី Microsoft Word តាមរយៈ Add-ins ជួយឱ្យការងារសរសេរកាលបរិច្ឆេទខ្មែរកាន់តែរហ័ស និងកាត់បន្ថយកំហុស។ សូមទស្សនាវីដេអូគំរូខាងក្រោម និងទាញយកកម្មវធី Khmer Date ដោយឥតគិតថ្លៃ។ សូមទស្សនាវីដេអូមុនទាញយក ដើម្បីប្រាកដថាមុខងារនេះ សមស្របតាមតម្រូវការរបស់លោកអ្នក។ វីដេអូនេះបង្ហាញពីការប្រើប្រាស់ និងរបៀបដំឡើងកម្មវិធី។ ទាញកម្មវិធី Khmer Lunar Calendar Setup.exe

    ,
  • ពុម្ពអក្សរបំប្លែងលេខឡាតាំងទៅជាលេខខ្មែរដោយស្វ័យប្រវត្តិ

    ពុម្ពអក្សរបំប្លែងលេខឡាតាំងទៅជាលេខខ្មែរដោយស្វ័យប្រវត្តិ

    ដោយសារមុខងារលេខរៀង ឬលេខបញ្ជី (Numbering System) ក្នុងកម្មវិធីកុំព្យូទ័រពុំមានលេខខ្មែរនៅឡើយ ទើបការចងក្រងឯកសារជាភាសាខ្មែរសុទ្ធមិនភាពលំបាក។ ប្រសិនបើចង់សរសេរជាភាសាខ្មែរសុទ្ធ ទាំងលេខរៀង ទាំងលេខទំព័រ ត្រូវតែសរសេរដោយដៃ ព្រោះប្រព័ន្ធមិនទាន់ស្គាល់។ ខ្ញុំបានស្វែងរកឃើញដំណោះស្រាយសម្រាប់ពុម្ពអក្សរខ្មែរចំនួន១៤ខាងក្រោមដែលអាចជួយបំប្លែងលេខអង់គ្លេសទៅជាលេខខ្មែរងាយៗ និងរក្សាបានដំណើរការរលូននៃប្រព័ន្ធលេខរៀងជាធម្មតា។ Auto Khmer Numbering.zip

    ,
  • តិចនិកឆបោកលើ Telegram ធំៗ ទាំង៨នៅកម្ពុជា

    តិចនិកឆបោកលើ Telegram ធំៗ ទាំង៨នៅកម្ពុជា

    Telegram ជាថ្នាលទំនាក់ទំនងឌីជីថលដ៏ពេញនិយម ដោយសារវាជាសហគមន៍រូបិយបណ្ណគ្រីបតូដ៏ធំបំផុតមួយ និងភាពសម្បូរបែបក្នុងការទំនាក់ទំនង ឆាប់រហ័ស និងជាពិសេសមានប្រព័ន្ធការពារសុវត្ថិភាព​ខ្ពស់មួយផងដែរ។ ទោះជាមានមុខងារការពារប្រព័ន្ធសុវត្តិច្រើនយ៉ាងណាក្ដី ការប្រើប្រាស់ប្រកបដោយសុវត្តិភាពជាទំនួលខុសត្រូវរបស់អ្នកប្រើប្រាស់ផ្ទាល់។ ហេតុនេះហើយអ្នកប្រើប្រាស់គប្បីយល់ដឹងពីវិធីសាស្ត្រឆបោកធំៗ និងវិធីបង្កើនសុវត្ថិភាពដូចខាងក្រោម។ ដំបូងយើងមកដឹងមូលហេតុក្រុមឆបោកយក Telegram ជាឧបករណ៍ឆបោក ភាពពេញនិយម និងងាយស្រួលក្នុងការងារបង្កើត Group, Channel, ជាពិសេសប្រមូលផ្ដុំមនុស្ស កសាងសហគមន៍ដែលមើលទៅដូចជាការពិត ធ្វើឱ្យការឆបោករបស់ពួកគេមានប្រសិទ្ធភាព​ និងចំណេញច្រើនជាមធ្យោយបាយផ្សេង។ បើដូចនេះតើ Telegram មានសុវត្ថិភាពក្នុងការប្រើប្រាស់ទេ? មិនថាតែ Telegram ឬកម្មវិធីទំនាក់ទំនងផ្សេងនោះទេ ដើម្បីប្រាកដថាអ្នកមានសុវត្តិភាពក្នុងការប្រើប្រាស់ប្រពន្ធការពារដែលមានសម្រាប់ ឬផ្ទាល់ពីកម្មវិធីទំនាក់ទំនងទាំងនោះមិនអាចធានាសុវត្តិភាពរបស់អ្នកប្រើប្រាស់ពេញលេចទេ ពោលគឺអាស្រ័យលើការយល់ដឹងពីហានិភ័យ និងការការពាររបស់អ្នកប្រើប្រាស់។ ខាងក្រោមនេះជាប្រភេទនៃការឆបោកធំៗ ដែលប្រទះឃើញក្នុងកម្មវិធី Telegram ១. មនោសញ្ចេតនាក្លាយក្លែង (ស្វែងរកមិត្ត) វិធីនេះ Admin ជួបក្នុង Skype មុនគេ ហើយក្រោយៗមកក៏ឃើញមានក្នុងកម្មវិធី Telegram ដែលដោយសារតែខ្មែរយើងនិយមប្រើប្រាស់ច្រើន។ ដំបូងមានមនុស្សមិនស្គាល់គ្នាផ្ញើសារមកសួរនាំពីនេះពីនោះ រួចហើយពឹងយើងបែបនេះបែបនោះ ហើយពឹងឱ្យយើងចូលគណនីធនគាររបស់គាត់ផ្ញើលុយទៅអ្នកផ្ញើទៀត ដោយធ្វើដូចទុកចិត្តយើង។ មួយរយៈក្រោយមកធ្វើជាមានបញ្ហាហើយខ្ចីលុយ ១០០០ដុល្លារ ក្រោយៗមកចុះមក ១០០ដុល្លារពេលយើងប្រាប់ថាអត់មាន។ ២. ជំនួយការបច្ចេកវិទ្យាក្លែងក្លាយ…

  • តើបញ្ញាសប្បនិម្មិត(AI) និងបច្ចេកវិទ្យាមានភាពលំអៀងទេ?

    តើបញ្ញាសប្បនិម្មិត(AI) និងបច្ចេកវិទ្យាមានភាពលំអៀងទេ?

    នៅពេលបច្ចេកវិទ្យកាន់តែប្រើប្រាស់ទូលំទូលាយ ពិសេសបញ្ញាសប្បនិម្មិត(AI) មនុស្សមួយចំនួនចាប់ផ្ដើមចាប់អារម្មណ៍សំណួរថា “តើបញ្ញាសប្បនិម្មិត និងបច្ចេកវិទ្យាមានភាពលំអៀងដូចមនុស្សទេ?”

  • កម្មវិធីកែសម្រួល PDF ដែលគួរឱ្យណែនាំបំផុត

    កម្មវិធីកែសម្រួល PDF ដែលគួរឱ្យណែនាំបំផុត

    រាល់ពេលនិយាយពីឯកសារ ឬកម្មវិធីកែសម្រួលឯកសារ PDF (PDF Editor Software) មនុស្សស្ទើរគ្រប់គ្នានៅលើពិភពលោកប្រាកដជានឹកឃើញដល់ Adobe Acrobat DC/Reader មុនគេ។ ប៉ុន្តែថ្ងៃនេះ យើងនឹងណែនាំកម្មវិធីថ្មីមួយ ដែលនឹងផ្ដល់បទពិសោធន៍ល្អបំផុតសម្រាប់លោកអ្នក។ ប្រាកដណាស់ Adobe Acrobat DC មានស្ដង់ដាខ្ពស់ មុខងារប្រើប្រាស់ទូលំទូលាយ មានភាពបត់បែនច្រើន បើធៀបនឹងកម្មវិធី PDF ផ្សេងទៀត។ ដោយសារមុខងារសំបូរបែបរបស់វាបែបនេះហើយ ទើបធ្វើឱ្យតម្លៃរបស់វាថ្លៃ ដែលអ្នកប្រើប្រាស់ PDF ម្ដងម្កាលតែងស្វែងរកដំណោះស្រាយផ្សេងពីវា។ គិតត្រឹមឆ្នាំ ២០២៦ Adobe Acrobat DC មានតម្លៃប្រចាំខែ ១២,៥ដុល្លារ សម្រាប់អាជ្ញាបណ្ណសិស្ស និងប្រហែល ២២ដុល្លារ សម្រាប់អ្នកប្រើប្រាស់ផ្ទាល់ខ្លួន។ សម្រាប់ខ្ញុំយល់ថាតម្លៃនេះ មិនថ្លៃទោះទេ ប្រសិនបើអ្នកប្រើប្រាស់វាជាប្រចាំ ប៉ុន្តែប្រសិនប្រើប្រាស់ម្តងម្កាល ខ្ញុំសូមណែនាំឱ្យប្រើប្រាស់កម្មវិធីដំណោះស្រាយ PDF ផ្សេងទៀត ដូចជា PDF24 និង ILOVEPDF ជំនួសវិញ។ បច្ចុប្បន្ន ILOVEPDF អនុញ្ញាតឱ្យប្រើប្រាស់តែមានលើគេហទំព័រប៉ុណ្ណោះ។…